കറുത്ത സത്യവും വെളുത്ത കള്ളവും
വെളുത്ത സത്യവും , കറുത്ത കള്ളവും പഴങ്കഥകള് ,
ഇത് കറുത്ത സത്യങ്ങളുടെയും വെളുത്ത കള്ളങ്ങളുടെയും കാലം .
നിഴലും , നിലവുമുള്ള ഇടവഴികള് പോലെ ,
കള്ളങ്ങളും സത്യങ്ങളും നിറഞ്ഞ ജീവിത പെരുവഴി .
ശാന്തി മന്ദിരങ്ങളുടെ പൊളിഞ്ഞ ചുമരുകള്ക്കും ,
ചിതലെടുത്ത മച്ചുകള്ക്കും , കാടുപിടിച്ച മു റ്റങ്ങള്ക്കും,
കബന്ധങ്ങളോഴുകുന്ന പുണ്ണ്യ തീര്ത്ഥങ്ങള്ക്കും ,
നീതിയുടെ നിണമൊഴുകുന്ന കപ്പല് ചാലുകള്ക്കുമരികിലൂടെ..
കൌമാരപ്പെ
ണ്കൊടികളുടെ തേങ്ങലുയരുന്ന ,
നക്ഷത്ര സൌധങ്ങള്ക്കും , ലഹരിനുരയുന്ന ബാറുകള്ക്കും ,
മുന്നിലൂടെ നിലയ്ക്കാത്ത ജീവിത യാത്ര നീളുകയാണ്
ശാന്തിതീരം തേടിയുള്ള ജീവിത യാത്ര .
പ്രതികരണ ശേഷി നശിച്ചതാം മാനവര് ,
തിരനാടകം കാണുന്ന പോലിന്നു ഹവാലയും,
പെണ് വാണിഭങ്ങളും ,കപ്പല്ക്കൊലയും ,
വായിച്ചും കേട്ടുമാസ്വദിക്കുന്നു .
ഇരുളിലെവിടെയോ നിലവിളികള് ,
പ്രാണന് പിടയുന്ന രോദനങ്ങള് .
താലിച്ചരടുകള് അറ്റുവീഴുന്നു...
കുപ്പിവളകള് ഞെരിച്ചുടയ്ക്കപ്പെടുന്നു .
ഇവകള്ക്കെല്ലമാരികിലൂടെ പാത നീളുകയാണ്
കറുത്ത സത്യങ്ങളും , വെളുത്ത കള്ളങ്ങളും വെറുത്ത്,
അശാന്തിയുടെ തീരങ്ങളില് നിന്നും ശാന്തിയുടെ -
തീരം തേടിയുള്ള പ്രയാണങ്ങളുടെ ജീവിതപാത .
അല്ലാഹുവും ,രാമനും , യേശുവും ,
ഒന്നാണെന്നറിയാത്ത കോമരങ്ങള് ,
അന്യോന്ന്യം അമ്പുകളെയ്യുന്ന ,
നിണത്താല് നനഞ്ഞ രണഭൂമിയിലൂടെ -
മാനവ രക്തവും കണ്ണീരും കലര്ന്ന് പുഴയായ് ഒഴുകുകയാണ്
ഇവകള്ക്കെല്ലാമാരികിലൂടെ നാം പ്രയാണം തുടരുന്നു ...
സത്യവും , സൗന്ദര്യവും , സൗരഭ്യവും , സ്നേഹവും ,സുഖങ്ങളും മാത്രമുള്ള ,
പുണ്ണ്യതീരം തേടിയുള്ള ജീവിത പ്രയാണം ......!!!
No comments:
Post a Comment